Коомдук ишмер, саясатчы Топчубек Тургуналиев каза болду. Бул тууралуу анын жакындары билдирди.
Маалым болгондой, маркумдун сөөгү 17-ноябрда Аксы районунда жерге берилет.
Топчубек Тургуналиев 1941-жылы 5-июлда Аксы районунун Тегирмен-Сай айылында туулган.
Кошумчалай кетсек, Тургуналиев 1990-жылдардагы коомдук-саясий окуяларга активдүү катышып, ошол кездеги Кыргызстан демократиялык кыймылын (КДК) уюштуруучулардын бири, тең төрагасы болгон. “Эркиндик” партиясын жетектеген.
2019- 2021- жылы “Манас” жана Чыңгыз Айтматов Улуттук академиясына төрага болгон.