«Коркуп сүйлөгөнүмдө жанымда белеңиз?». Министр депутаттын билдирүүсүнө жооп берди

Министрлер кабинети 15-мартта өткөргөн жыйында 12 жылдык орто билим берүү камтылган «Жалпы орто билим берүүнүн түзүмүн модернизациялоо жөнүндө» тескеме жактырылды. Өкмөттүн сайтына жарыяланган маалыматта окуу мөөнөтүн өзгөртүү аркылуу окуучулардын сабаттуулугун жана компетенттүүлүгүн жогорулатуу максат кылынган.

Жогорку Кеңештин депутаты Исхак Масалиев бул маселе боюнча өзүнүн пикири менен соцтармак баракчасына бөлүштү.

Депутаттын 12 жылдык билим берүүгө өтүү зарыл беле деген таризде суроо салган.

«Мектепте 12 жылдыкка өтүүсү. Президент министрден, «Муну менен эч нерсе өзгөрбөйт, нөлүнчү класстын ордуна 12-жыл болот дегенди билдиреби?» деп сурады.
Министр жооп берди — «Ооба». Анда мен каршы эмесмин деди президент.
Менин оюмча, ал жөн эле коркуп кетип айтып койду, анткени эч нерсе өзгөрбөсө 12 жылдык окууга өтүүнүн эмне кереги бар!?!
Бала 5-6 жаштан баштап кантип окуйт!?! Советтик педагогика мектеби чындап эле 1-класстын окуучулары үчүн 7 жаш деп оптималдуу жашты аныктагандай акылсыздык беле?
Анан окуучулардын санынын көбөйүшү (бир класска 100 миң балага жакын) мугалимдердин жана жаш курактагы мугалимдердин санынын көбөйүшүнө алып келет.
Бул “реформанын” маңызын мага, адилеттүү билимдүү адамга ким жөнөкөй жана так түшүндүрүп бере алат? ЭМНЕ үчүн!!!»,-деп жазган депутат.

Депутаттын билдирүүсүнө Билим берүү министри Догдургул Кендирбаева жооп берип, билдирүү жазды.

«Исках агай, кайсы кошумча 100. 000 бала? Учурда деле 12 жыл окуп жатпайбы. 11+ 0 класс. Дагы 100 баланы кайдан таптыңыз? Кайсы класска? Менин коркуп сүйлөгөнүмдө жанымда белеңиз?»,-деди министр.

Эске салсак, Садыр Жапаров 14-мартта Билим берүү жана илим министри Догдуркүл Кендирбаева менен жолугушусунда мектепте 12 жылдык билим берүүгө макул экендигин билдирген.

Жолугушунун алкагында, презиндент нөлүнчү класс жоюлуп, биринчи класстан баштап окуса, айырма деле жок экенин айтып, колдоорун белгилеген.