Бишкекте массалык иш-чараларга убактылуу тыюу салынды. Бул тууралуу Мамлекеттик санитардык-эпидемиологиялык көзөмөл борборунан билдиришти.
Маалыматка ылайык, Бишкекте эпидемиологиялык кырдаал жакшырганга чейин бардык массалык оюн-зоокторго, ири спорттук иш-чараларга, китепканаларга жана музейлерге адамдардын массалык чогулуусуна алып келүүчү (фестиваль, эсте калган даталарды белгилөө, жолугушуулар, флешмобдор ж.б) иш-чараларды өткөрүүгө тыюу салынды.
Кошумчалай кетсек, 29-апрелге карата борбор калаада 224 адам коронавирус жуктуруп, 6 бейтап каза болду.