Коррупция менен күрөшүү жаатында иштеген коомдук уюмдардын ишин колдоо максатында атайын адистештирилген фонд түзүлдү. Бул тууралуу Садыр Жапаров Бишкекте өтүп жаткан Коррупцияга каршы ишкерлер кеңешинин биринчи жыйынында билдирди.
Анын айтымында, элдин жана мамлекеттин кызыкчылыгына каршы келген коррупциялык кылмыштар тууралуу фактыларды билдирген адамдарга сый акы берүү ыкмасын мүмкүн болушунча тезирээк ишке киргизүү зарыл.
“Бул усул – көйгөйдү чечүү механизмдеринин бири. Коррупция менен күрөшүү жаатында иштеген коомдук уюмдардын ишин колдоо максатында Финансы министрлигинин алдында атайын адистештирилген фонд түзүлдү. Ошондой эле коррупция жөнүндө кабарлаган адамдарга, анын ичинде коррупциялык схемаларды жана мамлекетке келтирилген коррупциялык зыянды аныктаган кызмат адамдарына бул фонддон бир жолку акчалай сыйлыктар каралышы керек. Коррупцияга каршы иш-аракеттердин артыкчылыктуу багыттарына ылайык, коррупцияга каршы күрөшүү боюнча агартуу иштерин жүргүзүү, коомдо коррупцияга каршы атмосфераны түзүү үчүн коррупцияга каршы иш жүргүзгөн коммерциялык эмес коомдук уюмдарга мамлекеттик колдоо, анын ичинде каржылоо чараларын караштыруу зарыл”, — дейт президент.
Белгилей кетсек, бүгүнкү иш-чарага кеңештин мүчөлөрү, өнүктүрүү боюнча өнөктөш мүчөлөр, коррупцияга каршы күрөшүү боюнча мамлекеттик органдардагы ыйгарым өкүлдөр жана башкалар катышууда.
Анын алкагында өлкөнүн коррупцияга каршы мамлекеттик саясатынын негизги багыттары, мамлекеттик органдарда жана жергиликтүү өз алдынча башкаруу органдарында коррупцияга каршы мыйзамдарды ишке ашыруунун актуалдуу маселелери, бизнес-ассоциациянын коррупция менен күрөштө ролу жана башкалар талкууланат.
Улуттук коопсуздук боюнча мамлекеттик комитеттин төрагасы Камчыбек Ташиев Жогорку Кеңешти мыйзамсыз иштерге аралашкан депутаттардан “тазалоо” …
Бүгүн, 3-апрелдеги Жогорку Кеңештин жалпы жыйнында депутаты Жусупбек Коргонбай уулу Саламаттык сактоо министри Алымкадыр Бейшеналиев …
УКМК төрагасы Камчыбек Ташиев «7-каналга» кыскача маек куруп, анда өлкөдө коррупцияга каршы жүргүзүлүп жаткан иштер …
«Коррупцияга каршы аёосуз күрөш уланат жана мындан ары да күчөтүлөт!», деп билдирди президент Садыр Жапаров …
ЖАПАРОВ МЕНЕН ПУТИН МЕКТЕПТИН КУРУЛУШУНА СТАРТ БЕРЕТ Кыргызстан жана Орусиянын президенттери Садыр Жапаров менен Владимир …
КЕМПИР-АБАД ИШИ: СОТТУК ОТУРУМ УЛАНДЫ Бүгүн, 26-июнда Биринчи май райондук сотундагы Кемпир-Абад иши боюнча алдын …
