Бишкек.03.04.2019.Govori.TV.
Бүгүн, 3-апрелде “КСДП Атамбаевсиз” кыймылынын жетектөөчүсү Сагынбек Абдрахманов уюштурган КСДПнын съезди өтүп жатат.
Буга чейин Иса Өмүркулов КСДП кезектеги съездин 3-апрелде өткөрүү чечимин кабыл алганын билдирген. Бирок ал жана башка парламенттеги КСДП фракциясынын депутаттарынын келгени байкалган жок.
Съезд «КСДП — тазалануу, жаңылануу жолунда»,- деген ураан алдында өтүүдө. Ал эми бул ураандын орус тилинде жазылганында ката кетип «СДПК на пути обновления и преобразования» деп жазылуунун ордуна «СДПК на пути обновлении и преобразовании» болуп калган.
Эске салсак, экс-президент Алмазбек Атамбаевдин төрагалыгындагы КСДПнын съезди 6-апрелде өтөт.
