ИИМдин кызматкерлери тарабынан кылмыш кылып, качып кетип издөөдө жүргөн уюшкан кылмыштуу топтун мүчөсүн кармашты. Бул тууралуу ИИМдин басма сөз кызматы билдирди.
Бишкек шаарынын аймагында ыкчам издөө иш-чаралардын жүрүшүндө ИИМдин ыкчам каттоосунда Камчы Көлбаевдин уюшкан кылмыштуу тобунун активдүү мүчөсү катары турган, Жалал-Абад облусунун тургуну 40 жаштагы О.Э. аттуу жаран кармалды.
Кармалган жаран өзгөчө оор кылмышты жаап жашыруу беренеси менен 2024-жылдын июль айынан бери издөөдө болгон.
Учурда кармалган жаран камакка алынып, кылмыш иши боюнча тергөө улантылууда.