Кыргызстан менен Кытайдын чек арасындагы көзөмөл-өткөрүү бекеттери убактылуу жабылат. Бул тууралуу бүгүн, 11-июнда Чек ара кызматынан билдиришти.
Маалыматка караганда, Кытайдагы белгилене турган майрамга карата “Торугарт” жана “Эркечтам” көзөмөл-өткөрүү бекеттери транспорт каражаттарынын өтүүсүнө 14-июндан тарта жабылып, 15-июнда кайра ачылат.
Кошумчалай кетсек, кыргыз-кытай чек арасы адатта Курман айт, Жаңы жыл майрамдарында жана Кытайдын улуттук мааракелеринде жыл сайын жабылып турат.