Кыргызстан Кытайга гуманитардык жардам жөнөттү. Бул тууралуу бүгүн, 18-февралда ӨКМдин басма сөз кызматы билдирди.
Маалыматка ылайык, гуманитардык жардам коронавирустун жайылышына каршы аракеттерди колдоо иретинде жөнөтүлгөн.
«Жалпысынан жети тоннанын тегерегиндеги жүк «Торугарт» көзөмөл-өткөрмө бекетине чейин жеткирилди. Жүк Кытай тараптын суроо-талабына ылайык даярдалды»,-деп айтылат маалыматта.