«Кыргызстан» саясий партиясы Борбордук шайлоо комиссиясынын чыгарган чечимине каршы Бишкектин административдик сотуна арыз жазды. Бул тууралуу партиянын мүчөсү Талант Мамытов билдирди.
«Арыз 26-августта жазылган. Мыйзам боюнча иш үч күндүн ичинде каралышы керек»,-деди Мамытов.
Эске салсак, 24-августта БШК «Кыргызстан» партиясы шарттарды бузган деген жүйө менен аталган саясий партиянын документтерин артка кайтарып берген.