Автоунаа чыгаруу боюнча биргелешкен кыргыз-өзбек заводунун быйыл ишке кириши пландалууда. Бул тууралуу «Кабар» маалымат агенттигинде өткөн жыйында Кыргызстандын тышкы иштер министри Жээнбек Кулубаев билдирди.
Анын айтуусуна караганда, былтыркы жылдан бери аталган багытта тиешелүү иштери жүргүзүлүп жатат.
«Салык жана бажы алымдарына байланыштуу айрым көйгөйлөр болду. Анткени Кыргызстан Евразиялык экономикалык биримдикке мүчө, ал эми Өзбекстан мүчө эмес. Бирок биз бир пикирге келе алдык. Бүгүнкү күндө бардык документ иштери аяктап калды. Өзбекстандын президенти Шавкат Мирзиёевдин Кыргызстанга күтүлүп жаткан мамлекеттик визитинин алкагында жыйынтыктоочу документке кол коюу күтүлүүдө. Ишкана түптөлгөндөн кийин бир жылдын ичинде өндүрүштү ишке киргизүү пландалууда», — деди Кулубаев.
Эске сала кетсек, буга чейин Кыргызстан менен Өзбекстан автоунаа чыгарган биргелешкен завод курууну пландап жаткандыгы кабарланган. Завод Чүй облусунун аймагына курулат. Ал жерде автоунаанын 19 түрү чыгарылмакчы. Кыргыз тараптан өндүрүшкө эки компания «Нур» ААКсы жана «ДТ Техник» ЖЧКсы, өзбек тараптан «Узавтосаноат» мамлекеттик ишканасы катышат.
2024-жылдын 4-мартынан 8-мартына чейин Ош шаарында Кыргыз Республикасынын жана Өзбекстан Республикасынын Өкмөттүк делегацияларынын жумушчу топторунун …
Улуттук коопсуздук комитети Жалал-Абад облусундагы Сузак районундагы, кыргыз-өзбек чек арасындагы «Бек-Абад» өткөрмө бекетинин жанында кармоо …
Кыргызстандын Баткен жана Өзбекстандын Сох райондорунун акимдери Учкунбек Жоробаев менен Саидбахром Саидмусаев жетектеген тийиштүү делегациялардын …
Жалал-Абад облусунун Сузак району менен коңшу Өзбекстандын Андижан облусунун Ханабад шаары менен чектешкен «Бек-Абад» көзөмөл …
Бүгүн парламенттин жыйынында депутат Ырысбек Атажанов кыргыз-өзбек чек арасындагы коррупция бар экенин билдирди. Анын айтымында, …
Ош шаарынын мэринин биринчи орун басары Марс Исаев жана орун басары Нурбек Кадыров Өзбекстандын Кыргызстандагы …
