Кыргызстандык балбандар Исламбек Орозбеков менен Айаал Лазарев Сербияда өтүп жаткан күрөш боюнча Дүйнө кубогунда коло медаль үчүн күрөшөт.
Маалыматка ылайык, Лазарев жана Орозбеков бүгүн, 17-декабрда коло медалдар үчүн килем үстүнө чыгышат.
Спортчулар кечээ, 16-декабрда эркин күрөш боюнча мелдештерде алгачкы беттештерин өткөрүштү. Лазарев Канада жана Эстониянын спортчуларын жеңип, бирок жарым финалда польшалык Роберт Баранга утулуп калды. Ал эми Орозбеков 1/4 финалдык баскычта Индиянын спортчусун утуп, бирок жарым финалдык беттеште түркиялык балбанга жеңишти алдырып жиберген эле.