23-августтан 24-августка караган түнү кыргыз-тажик чек арасынан анча алыс эмес жерде Баткен районунун аймагында күчү 5 баллга жакын жер титирөө болду. Улуттук илимдер академиясынын Сейсмология институтунун маалыматы боюнча, жер титирөө саат 02:32де катталган.
Жер титирөөнүн очогу Баткен районунун аймагы жана Алай кырка тоосунун боорлорунда болгон.
Кыргызстандын калктуу конуштарында жер титирөөнүн күчү: Кан, Сары-Талаа, Коргон, Жоо-Пая айылдарында 4 баллга жакын, Кыштут, Табылгы, Кайыңды, Жаңырык айылдарында 3,5 баллга жеткен. Карамык, Кара-Тейит айылдарында — 3 балл болгон.