Кыргыз Республикасынын Саламаттык сактоо министрлигинин маалыматы боюнча 28-январда эртең менен Кыргыз Республикасына Үрүмчү шаарынан 6 кыргызстандык студент келген. Алар Үрүмчү шаарындагы (Кытай Эл Республикасы) Синьцзян университетинде окушат.
Учурда алар Ысык-Атадагы клиникалык оорукананга 10 күндүк изоляцияга жаткырылды. Аларды дене табы жайында жана өздөрүн жакшы сезишүүдө. Бул тууралуу Govori.TVга коронавируска байланыштуу жагдайды көзөмөлдөө үчүн түзулгөн ыкчам штабдан кабарлашты.
Белгилей кетсек, Ички иштер министрлиги Кытай Эл Республикасынын жождорунда окуган Кыргыз Республикасынын жарандарынын тизмесин аныктоо боюнча иштерди жүргүзүүдө. Зарылдыкка жараша кыргыз жарандарын эвакуациялоо маселеси иштелип чыкты.