Бүгүн, 26-мартта Govori.TV агенттиги борбор калаадагы Ош базарына барып учурдагы абалды тартып келди. Адатта жык-жыйма болуп миңдеген адам жүргөн «Ош» базары ээнсиреп бош калган. Кийим-кече, буюм-тайым сатылуучу жайларда бирин-серин киши жүргөнүн көрүүгө болот. Ошондой эле контейнерлер чекеден жабылып, жайма базар ээн турат.
Белгилей кетсек, коронавируска байланыштуу өлкөдө автоунаа базары,кийим-кече саткан соода борборлор, мал базары дагы убактылуу жабылган.