Май айында пенсионерлерге пенсия банк картасына которулат же почтадан таратылат. Бул тууралуу Социалдык фонддун басма сөз кызматы билдирди.
Бишкек шаарында жана дагы бир нече аймакта 25-марттан баштап 10-майга чейин өзгөчө абал режими киргизилген. Апрель айында мындай режим киргизилген аймактарда пенсияны почтадан алгандарга акча үйүнө жеткирилип берилди.
Буга чейин өкмөт башчы Мухаммедкалый Абылгазиев бардык социалдык милдеттенмелер: айлык акы, пенсия, жөлөк пул өз учурунда жана толук көлөмдө каржыланарын белгилеген.
