15-апрелде төрага Талант Мамытов баштаган Кыргыз Республикасынын Жогорку Кеңешинин делегациясы Санкт-Петербург шаарында өтүп жаткан Көз карандысыз мамлекеттер шериктештигине мүчө өлкөлөрдүн Парламенттер аралык Ассамблеясынын (КМШ ПАА) кеңешинин отурумуна катышты.
Жогорку Кеңештин басма сөз кызматынан басма сөз кызматынан кабарлашкандай, отурумда Кеңештин мүчөлөрү 2021-жылдын 16-апрелинде өтө турган КМШ ПААнын 52-пленардык жыйынынын күн тартибинин долбоорун талкуулашты.
Күн тартибиндеги негизги маселе Шериктеш өлкөлөрдөгү шайлоолорго жана референдумга байкоо салууну уюштуруу тууралуу болуп, анын ичинен Кыргыз Республикасында мөөнөтүнөн мурда өткөн президенттик шайлоого, башкаруу формасын аныктоо жана Конституциянын жаңы долбоору боюнча уюштурулган референдумдарга КМШ ПААдан эл аралык байкоочулардын катышуусуна байланышкан маалыматтар айтылды.
Тагыраагы, КМШ ПААнын байкоочулары Кыргыз Республикасында өткөн добуш берүү жараяндары улуттук мыйзамдарга жана демократиялуу шайлоолорду өткөрүү боюнча эл аралык стандарттарга шайкеш келгендигин белгилеген корутундуга келишти.
Өз кезегинде төрага Талант Мамытов шайлоо өнөктүктөрүнө жигердүү байкоо салганы үчүн КМШ ПААнын эл аралык байкоочуларына ыраазычылык билдирип, Парламенттер аралык ассамблеянын бул жааттагы тажрыйбасынын маанилүү экенине токтолду.
Ошондой эле отурумдун катышуучулары КМШ ПААга мүчө-мамлекеттердин жарандарынын шайлоо укуктарынын сакталышына, демократиянын жана парламентаризмдин өнүгүшүнө мониторинг кылуу боюнча эл аралык институттун ишмердүүлүгү тууралуу маалымат менен таанышты.
Отурум соңунда Кеңештин мүчөлөрү КМШ ПААнын 2020-жылдагы ишмердүүлүгүнүн жыйынтыгын чыгарып, Ассамблеянын 30 жылдыгына даярдык көрүү маселесин талкуулашты.
Бишкекте Иса Ахунбаев атындагы окуу-илимий дарылоо медициналык борборунун анестезиология жана реанимация бөлүмүндө тишин дарылатуу учурунда …
Бүгүн, 26-февралда Жогорку соттун төрагасы Замирбек Базарбеков ЖМК өкүлдөрү үчүн маалымат жыйын уюштуруп, коомдогу актуалдуу маселелер …
20-февралында жаңыдан түзүлгөн айыл аймактарынын кеңештеринин уюштуруу сессияларынын биринчи күнүндө 51 төрага шайланды. Бул тууралуу …
Бүгүн, 15-февралда Бишкектин Биринчи май райондук сотунда «Бүтүн Кыргызстан» фракциясынын лидери, депутат Адахан Мадумаровдун иши …
Тышкы иштер министрлигинде министрлер кабинетинин төрагасы – КР президентинин администрациясынын жетекчиси Акылбек Жапаровдун катышуусунда коллегиянын …
Жогорку Кеңеш 21-декабрдагы жалпы отурумунда бир катар мыйзам долбоорлоруна добуш берди. Анын ичинде “Вакуф (вакф) …
