Кыргыз Республикасынын Президентинин милдетин аткаруучу, Жогорку Кеңештин Төрагасы Талант Мамытов бүгүн, 23-ноябрда, «Улуттук энергетикалык холдинг компаниясы» ААК башкармалыгынын төрагасы Нурбек Козубековду кабыл алды. Бул тууралуу президенттин расмий сайтында жазылат.
Нурбек Козубеков энергетика компанияларынын күз-кыш мезгилине, учурдагы өлкөнүн энергетика секторунун астында турган милдеттерге даярдыгы жөнүндө маалымат берди.
Анын маалыматы боюнча, бардык ата мекендик энергетика компаниялары пландык оңдоп-түзөө иштерин өз маалында жыйынтыктап, жылытуу сезонуна толугу менен даяр.
Ошону менен бирге 23-ноябрга карата Токтогул суу сактагычындагы суунун көлөмү 14,1 млрд куб метрди түзөрү белгиленди. Бул көрсөткүч 2019-жылдын ушул мезгилине салыштырмалуу 2,4 млрд куб метрге аз.
Президенттин милдетин аткаруучу Талант Мамытов күз-кыш мезгилинде калкка электр энергиясын үзгүлтүксүз берүүнү камсыз кылуу зарылдыгын баса белгиледи. Өлкөнүн алыскы аймактарына өзгөчө көңүл бурууга чакырды.
Мамлекет башчысынын милдетин аткаруучу чакан ГЭСтерди курууга чет өлкөлүк инвестицияларды тартуу боюнча иштерди күчөтүү, ал үчүн бардык зарыл шарттарды түзүү, иштеп жаткан ГЭСтерди реабилитациялоо жана өлкөнүн жалпы эле энергетикалык мүмкүнчүлүктөрүн сарамжалдуу пайдаланууну камсыз кылуу керектигине көңүл бурду. Ошондой эле Талант Мамытов энергиянын атаандаш булактарын, анын ичинде күндүн жана шамалдын энергиясын пайдаланууну өнүктүрүүнүн маанилүүлүгүнө токтолду.
Мындан сырткары, ал CASA-1000 долбоорунун алкагында бардык иш-чараларды өз убагында жүзөгө ашыруу зарылдыгын белгиледи.
Бүгүн, 5-октябрда Жогорку Кеңештин төрагасы Талант Мамытов кызматынан өз каалоосу менен кетти. Анын ордуна жаңы …
Жогорку Кеңештин төрагасы Талант Мамытов кызматын тапшырды. Бул тууралуу ал өзү Жогорку Кеңештин жалпы жыйынында …
КР Жогорку Кеңешинин төрагасы Талант Мамытов 23-сентябрь – Мамлекеттик тил күнүнө карата жалпы кыргызстандыктарды куттуктады. …
Мамлекет башчы Садыр Жапаров кыргыз-тажик чек арасындагы кырдаалга байланыштуу бүгүн кечинде жыйын өткөрөт. Бул тууралуу …
«Кыргыз Республикасынын эмгек сиңирген юристи» ардак наамы менен Жогорку Кеңештин төрагасы Талант Мамытов сыйланды. Тийиштүү жарлыкка өлкө башчы …
Жогорку Кеңештин төрагасы Талант Мамытов кыргызстандыктарды 31-август – Эгемендүүлүк күнү менен куттуктады. Парламенттин басма сөз …
