Түркиянын Стамбул шаарында өтүп жаткан Yasar Dogu, Vehbi Emre, Hamit Kaplan турниринде Кыргызстандын балбан кызы Мээрим Жуманазарова күмүш медаль алды.
Кыз-келиндер күрөшү боюнча 68 кг салмакта күч сынашкан Мээрим Жуманазарова финалдык беттеште Нигериядан келген Блессинг Обордудуга 0:3 эсебинде утулуп калды.
Жарым финалда кыргызстандык спортчу россиялык Ханум Велиевага туш болду. Эки спортчу биринин артынан бири упай топтоп жатып, акыркы упайды Жуманазарова алгандыгы үчүн (эсеп 5:5) утуп алды.
Алтын үчүн кармашта мекендешибиз нигерниялык Блессинг Оборудудуга 0:3 эсебинде жеңишти алдырып жиберди.
Белгилей кетсек, спорттук иш-чара 24-27-февралда Стамбул шаарында өтүүдө.