Бүгүн, 22-апрелде «Кабар» маалымат агенттигинде өлкөнүн энергетика жана өнөр жай министри Кубанычбек Турдубаев электр энергиясын болгон тарифтер тууралуу маалымат берди.
Анын айтымында, бүгүнкү күндө энергетика тармагындагы өтө жакшы эмес абал жаралды.
«Бийлик жана министрлик тарабынан бул абалдан чыгуунун жолдору каралып жатат. Акыркы жылдары, деги эле эгемендүүлүктү алгандан бери энергетиканын экономикарын саясий жактан көзөмөлдөөгө аракет кылган саясатчылар бул оор абалга алып келди. Мындан улам энергетика тармагын саздан чыгаруу аракетин кылып жатабыз», — деди ал.
Ал кошумчалагандай сунушталып жаткан баардык маселер коомдук талкууга коюлду. Жыйынтыгында бир катар чечимдер кабыл алынат.
«Коомдук талкууга ар бир жаран өз сунушун бере алат. Анын баарын энергетиктер карап чыгып, жакшы сунуш болсо кошулат. Бул талкуулар август айына чейин болуп, каалоочулар өз сунуштарын берсе болот. Учурда биз төлөөчүлөрдүү үч топко бөлүүнү сунуштадык», — деди министр.
Эске салсак, Жапаров электр энергиясынын тарифин өзгөртүү тууралуу сунуш бергенин кечээ соцтармактагы баракчасы аркылуу билдирген болчу. Мамлекет башчы «турмушу начар үй-бүлөлөргө 74 тыйын кылып, чектөөнү алып салуу» керек деди. Ал расмий эсепте Кыргызстанда аз камсыз болгон 110 миң үй-бүлө бар экенин айткан.
“Тоолуу жана жашоо-шарттары оор алыскы райондорго 1 сом 04 тыйындан берип, чектөөнү таптакыр алып салалы деген сунуштар бар. Ал эми, жашоо-турмушу кудайга шүгүр үй-бүлөлөргө 1 сом 48 тыйындан сатуу сунушталып жатат. Бирок, суунун тартыштыгына байланыштуу ушул категориядагыларга кышкы мезгилдерде 1000 кВт сааттан ашса 2 сом 29 тыйындан болсун деген сунуштар бар. Бул бүгүнкү күндөгү электрэнергиянын өздүк наркы. Кудай буюрса, сууну толтуруп алсак, кийин чектөөнү алып салабыз. Азыркы тапта суунун көлөмү жогорулай баштады. Ушул кадамдарга барганыбызда гана биз 2025-жылга барып энергетикалык кризистен чыгат экенбиз”, — деди Жапаровдун сөзүндө.
Кыргызстанда электр энергиясы үчүн тариф акыркы жолу 2015-жылы жайында көтөрүлгөн.
Бүгүнкү күндө 700 кВт саатка чейинки электр энергиясына баа 77 тыйын, андан ашканына 2 сом 16 тыйындан төлөнөт. Өнөр жай, айыл чарба жана бюджеттик мекемелер үчүн тариф 2 сом 24 тыйын.
Жолчулар түнү менен селдин кесепетин жоюу иштерин аткарышты. Бул тууралуу Транспорт жана коммуникациялар министри билдирди. …
Жогорку Кеңештин депутаты Мирлан Самыйкожо бүгүнкү жыйында бардык министрлерге сөз берүүнү талап кылды. Белгилей кетсек, …
Эл аралык донорлор Кыргызстанга 12 жылдык билим берүү системасын таңуулап жатат деген маалыматтарды Билим берүү …
Профессор, тарых илимдеринин доктору жана Геральдика кеңешинин мүчөсү Каржаубай Сарткожаулы Казакстандын гербин өзгөртүү боюнча президент …
Саламаттык сактоо министри Алымкадыр Бейшеналиев депутат Жусупбек Коргонбай уулунун билдирүүсү боюнча жооп берди. “Мен “карамынбы …
Жыйында депутат Айгүл Айдарова сүйлөйүн деп жатканда маданият министри Алтынбек Максутов ордунан туруп кеткен. Вице-спикер …
