Бишкек. 10.01.2018. Govori.TV
Хит ырлардын аткаруучусу, Кыргыз Республикасынын Эмгек сиңирген артисти Мирбек Атабеков ырчы Бек Исраиловго продюсер болду.
«Чыныгы таланттарды колдоп, жардам беришибиз керек»,- дейт Мирбек Атабеков.
«Жаңы жылдан баштап Бек Исраиловго жана Толгонай Арзыкеевага колдоо көрсөтөйүн деп продюсер болууну чечтим. Учурда Бек Исраилов менен жаңы чыгармаларды жазып баштадык. Ал эми келишимибиз мынча жылга түзүлдү деп айта албайм. Буюрса, узак эле иштешебиз деп ишенем. Анткени өсө турган, жогорку деңгээлге чыга турган таланттарга бардык жактан колдоо көрсөткүм келип жатат. Продюсер болуп каражат табайын деген ниетим жок. Болгону шоу-бизнестин деңгээлин жогорулатуу», — дейт ал.
Ал эми «продюсерлик менен алектенсеңиз өзүңүздүн чыгармачылык карьераңызга таасирин тийгизбейби?» деген суроого төмөндөгүдөй жообун узатты.
«Чыгармачылыгыма мурдагыдай эле убакыт бөлөм, мурдагыдай эле энергия жумшайм. Балким, андан дагы көбүрөөк күч жумшайм. Менин продюсер болушум чыгармачылыгымды аксатпашы керек. Мындан ары деле жакшы чыгармаларды жаратып, клиптерди тартуулайм», — деди Атабеков.
Булак: SUPER.KG
Өлкөнүн мектептеринде күзгү каникул 31-октябрда башталат. Бул тууралуу Билим берүү жана илим министрлигинин маалымат кызматынан …
Бишкек. 04.02.2019. Govori.TV Реп ырчысы Баястан менен Зульфиянын кыз наристе күтүп жаткандыгы белгилүу болду. Бул …
Бишкек.14.11.2018.Govori.TV Ырчы Мирбек Атабеков жакында «Мурас» продюсердик борборун ачат. Бул тууралуу Мирбек Атабеков «Супер-Инфо» …
Бишкек. 16.10.2018. Govori.TV “Говори ТВ” агенттигинин жаңылыктар түрмөгү. Ыманалы Айдарбековдун небереси министр болот ТИМге Айдарбеков келсе …
