Кыргызстандын Орусиядагы элчилигинин басма сөз катчысы Гүлбарчын Байымбетова “Азаттыкка” билдиргендей, кыргызстандыктар 10-июлда Москванын Таган районунда футбол чемпиондугу маалында коопсуздук үчүн жүргүзүлгөн кезектеги текшерүүдө кармалган.
Аларды кармоо Орусияда күчүнө кирген миграциялык каттоо тууралуу мыйзамдын катаалдашканы менен байланыштуу эмес.
42 жарандын миграциялык документтери текшерилип, көбү кайра кое берилген.
Эскерте кетсек, 10-июлда Москванын Таган районунда кыргызстандык мигранттар эч кандай түшүндүрмөсүз камакка алынганын укук коргоочу Валентина Чупик кабарлаган. Ал жалпысынан жетимиштей адам кармалып, анын жарымы акча берип бошоп чыкканын, калган отуздай кыргызстандык катаал шартта камакта калганын, аларга котормочу жана консулдар менен байланышууга уруксат берилбей жатканын билдирген.
Ал эми Элчилик “жалаң эле кыргызстандыктар кармалууда” деген маалыматты четке кагып, Москванын Таган районунда Кыргызстандан барган мигранттар көп экенин айтууда. Таган полиция бөлүмүндө кармалган 42 кыргызстандыктын сегизи калганы белгилүү болду.
Белгилей кетсек, Орусияда эмгек мигранттарын каттоо эрежелерин катаалдаштырган мыйзам ушул аптада күчүнө кирди. 27-июнда президент Владимир Путин кол койгон документке ылайык, эми мигранттар иштеген жери боюнча каттоого тура албайт. Аларды каттоо жашаган жери боюнча гана жүргүзүлөт. Буга чейин жумуш берүүчүлөр мигранттарды иштеген жеринин юридикалык дареги менен каттоого укуктуу болчу.
АКШнын мурдагы президенти Дональд Трамп формалдуу түрдө Атланта шаарындагы түрмөгө камакка алынып, кайра дароо күрөөгө …
Иркутск шаарындагы калайман мушташка катышкан кыргызстандык жана тажикстандык мигранттар Курман айт майрамынын алдында элдешти. Бул …
5-июнда Москва облусунун Сергиев Посад шаарында тажик мигранттары жашаган төрт вагон күйүп кетти. Вагондо жашагандар …
Орусияда тажик мигранттары жапырт кармалган видео социалдык тармактарга жарыяланды. Маалыматка караганда, полиция кызматы бир учурда …
30-май күнү таң эрте Москванын “Митино” метросунун жанынан 150дөн ашуун тажик мигранты кармалды. Мигранттар “Озоди” …
Италиянын бийлиги мыйзамсыз мигранттардын агымы болуп көрбөгөндөй көбөйгөнүнө байланыштуу өзгөчө абал режимин жарыялады. Маалыматка караганда, …
