Жогорку Кеңештин экс-депутаты Болот Шер инсульт болуп ооруканага түштү. Бул тууралуу анын бир тууган иниси, депутат Садык Шер-Нияз жергиликтүү басылмалардын бирине билдирген.
Маалыматка ылайык, Болот Шер Улуттук госпиталга 11-июнда жаткырылган.
Абалы орто оор деп бааланып, жандандыруу бөлүмүндө жатат.
«Ушул тапта абалын орточо оор деп баалап жатат.Дарыгерлер жакшы болуп кетерин айтышты. Болот Шер 2 күн мурда ооруканага түшкөн», — деп билдирген депутат.
Белгилей кетсек, Болот Шер «Ата Мекен» фракциясынан V чакырылыштагы Жогорку Кеңештин депутаты болгон.