Бишкек. 02.04.2019.Govori.TV.
Улуттук илимдер академиясынын Сейсмология институтунун маалыматына ылайык, 2019-жылдын 2-апрель күнү саат 07:41де Нарын облусунун аймагында очогунда күчү 4 баллга жеткен жер титирөө катталган. Бул тууралуу ӨКМнин басма сөз кызматы билдирди.
Жер титирөө Нарын шаарында жана Нарын районунун Жер-Көчкү жана Өрүк-Там айылдарында 3 баллга чейин сезилген. Алдын ала маалымат боюнча жер титирөөдөн жабыркагандар жана кыйроолор катталган жок.
