Бүгүн, 3-июнда Нарындагы турак үйлөрдүн короолорун сел каптаганды. Бул тууралуу ӨКМдин басма сөз кызматынан билдиришти.
Маалыматка ылайык, бүгүн болжол менен саат 16:00гө карата Нарын шаарында жаап өткөн жамгырдын кесепетинен турак үйлөрдүн короолорун жана көчөлөрдү сел каптаган. Күтүүсүз кырсыктын кесепеттерин жоюу үчүн куткаруучулар тартылган.
«Окуя болгон жерге Өзгөчө кырдаалдар министрлигинин Нарын облусу боюнча башкармалыгынан ыкчам топ, Нарын шаардык №16 аскерлештирилген өрт-куткаруу бөлүмүнөн куткаруучулар барып тазалоо иштерин жүргүзүшүүдө»,-деп айтылат маалыматта.
Азырынча селдин кесепетинен келтирилген чыгымдар тууралуу маалымат бериле элек.