Новосибирск шаарында турак үйдө газ жарылып, эки кыргызстандык жабыркады. Бул тууралуу КР Тышкы иштер министрлигинен билдиришти.
Маалыматка ылайык, 9-февралда эртең мененки саат 07:43тө Линейный көчөсүндөгү №39 турак үйдө газ жарылган. Анда Кыргызстандын эки жараны — 1993-жылы туулган А.уулу Т. жана 1978-жылы туулган А.А.К. жабыркаган. КР жараны А. уулу Т. көмүр кычкыл газына ууланган, абалы орто оор деп бааланып, Новосибирск шаарындагы 34-шаардык оорукананын токсикология бөлүмүнө жаткырылган. Ал эми кыргызстандык А.А.К. омурткасы сынып, Новосибирск травматология жана ортопедия илим-изилдөө институтуна жаткырылып, операция жасалган.
«9-февраль саат 18:00гө карата каза болгон КР жарандары тууралуу маалымат жок. Учурда издөө-куткаруу иштери жүрүп жатканына байланыштуу жабыркагандар жана каза болгондордун саны боюнча маалыматтар толукталууда. Кыргызстандын Новосибирск шаарындагы башкы консулу А.А.Айдарбеков КР жараны А.А.К.нын абалынан кабар алып, КР жаранына медициналык жардам көрсөтүү боюнча дарыгерлер менен сүйлөштү»,-деп жазылат маалыматта.
Ошондой эле Кыргызстандын башкы консулдугунун кызматкерлери кырсык катталган жерге барып, Россиянын Өзгөчө кырдаалдар министрлигинин жана Тергөө комитетинин кызматкерлери менен сүйлөшүүлөрдү жүргүзгөнү кошумчаланды.
Кечээ, 31-майда Новосибирскте 7 млн рубль уурдоого шектелип жаткан кыргызстандык сот залынан бошотулду. Бул тууралуу …
9-февралда Орусиянын Новосибирск шаарында көп кабаттуу үйдө газдын жарылуусунан жаракат алган кыргызстандык аял набыт болду. …
Президент Садыр Жапаровдун кол койгон Жарлыгына ылайык, Айдарбеков Айбек Акматбекович Россия Федерациясынын Алтай Республикасынын, Алтай …
Орусияда Кыргызстандын өтүнүчү менен Тажикстан жараны кармалды. “Озоди” радиосу кабарлагандай, Бишкек 52 жаштагы исфаралык Диловар …
S7 Airlines компаниясынын № 5542 «Бишкек — Новосибирск» каттамынын тогуз жүргүнчүсүндө COVID-19 табылды. Бул тууралуу …
Кыргызстанга Новосибирск – Ош аба каттамы менен «Сибирь» (S7) авиакомпаниясынын рейси менен Кыргыз Республикасынын 173 …
