Жогорку Кеңештеги «Ата Мекен» фракциясынын депутаты Сайдулла Нышанов мамлекеттик кызматтагы жетекчилердин ишмердүүлүгүнө нааразычылыгын билдирди.
«Коом талап кылган нерсени бүгүнкү күндө көп жетекчи билбейт. Эң жөнөкөй мисал келтирсем кээ бир кызматкерлерди жумуш ордунан депутат таппайт. Өкмөттө же Жогорку Кеңеште жүрөт деген шылтоо угасың. Чындыгында алар башка жерде жүргөн болот. Бүгүн бизде бир кагаз жөнөтсөң айлап жооп ала албайсың»,-дейт депутат Нышанов.