Бишкектин Октябрь районунда таштандыны «Тазалык» муниципалдык ишканасы гана чыгарат. Шаарды сот чечим чыгарды. Бул тууралуу муниципалитеттин басма сөз кызматы билдирет.
Белгилей кетсек, Октябрь районунда бир нече айдан бери катуу тиричилик таштандыларын чыгаруу үчүн төлөм боюнча талаш-тартыштар жаралган.
2023-жылдын 14-июнунда Октябрь районунун администрациясы катуу тиричилик таштандыларын чыгаруу боюнча «БишкекВторРесурс» жеке ишканасы менен түзүлгөн келишимди бир тараптуу бузган.
Келишимдин бузулушуна комиссиянын текшерүүсүнүн жыйынтыгы себеп болгон.
Сөз болуп жаткан ишкана таштандыны өз убагында чыгара албай жатканы аныкталып, тургундардан да арыздар түшкөн. Ошентип, Октябрь районундагы катуу таштандыларды чыгаруу иши «Тазалык» муниципалдык ишканасына тапшырылды.
Бирок, «БишкекВторРесурс» ишканасынын өкүлдөрү жогорудагы чечимге макул болбой, райондук сотко кайрылышкан. 2023-жылдын 18-августунда муниципалитеттин пайдасына чечим чыгарылган. Жеке ишкана тарабынан Октябрь райондук сотунун чечимине каршы даттануу кайрадан Бишкек шаардык сотуна жөнөтүлгөн.
2023-жылдын 7-декабрындагы Бишкек шаардык сотунун аныктамасы менен «БишкекВторРесурс» ишканасынын апелляциялык арызы канааттандырылган эмес. Сот биринчи инстанциянын чечимин күчүндө калтырды. Ошентип, жогоруда аталган ишкана тарабынан Октябрь районунун жашоочуларынан катуу таштандыларды чыгаруу үчүн квитанцияларды берүү жана акча алуу мыйзамсыз.
Бишкек мэриясы шаар тургундарынан таштанды чыгаруу үчүн төлөмдү бир гана «Тазалык» муниципалдык ишканасына төлөөгө чакырат.
Кошумча суроолор боюнча ишкананын кардарларды тейлөө бөлүмүнө кайрылсаңыз болот: 0312 34 48 41.Октябрь районунда таштандыны “Тазалык” ишканасы гана чыгарат. Сот чечим чыгарды
25-28-март аралыгында Бишкек шаарынын мэриясынын муниципалдык инспекциясы тарабынан таштандыларды өрттөө боюнча 4 факты аныкталган. Эң …
26-марттан тарта суучулдар Ысык-Көлдү таштандылардан жана балык уулоочу торлордон тазалоо ишин башташты. Өзгөчө кырдаалдар министрлигинин …
Ош—Сары-Таш—Эркечтам унаа жолу таштандыдан тазаланып, жолдун тайгак тилкелерине инерттик материалдар чачылды. Бул тууралуу Транспорт жана …
Бишкекте таштандыны туш келди ыргыткандарга айып салынды. Муниципалитеттен билдиришкендей, Бобулов-Рыскулов көчөлөрүнүн кесилишинде белгиленбеген жерге күл …
Ала-Бука районунун Ала-Бука айылында таштандыны кайра иштетүүчү кичи завод ишке берилди. Бул тууралуу президенттин Жалал-Абад …
ЧЕК АРАДА УНААЛАР КЕЗЕГИ ЖАРАЛДЫ Улуттук коопсуздук мамлекеттик комитетине караштуу Чек ара кызматы кабарлагандай, 20-ноябрга …
