Венесуэла өкмөтү оппозиция лидерине Нобель Тынчтык сыйлыгы ыйгарылгандан кийин Норвегиядагы элчилигин жабуу тууралуу жарыялады. Ал эми өлкө президенти Николас Мадуро Мария Корина Мачадону «жез кемпир» деп атады. Бул тууралуу жергиликтүү El Universal басылмасы билдирди.
Венесуэланын башчысы ошондой эле тынчтык сыйлыгынын лауреатын «калктын 90 пайызы четке кагат» деп билдирди.
Өкмөт «ресурстарды стратегиялык кайра бөлүштүрүүнүн» алкагында Норвегиядагы жана Австралиядагы элчиликтерин жаап, анын ордуна Буркина-Фасодо жана Зимбабведе дипломатиялык өкүлчүлүктөрүн ачарын жарыялады. Буркина-Фасо жана Зимбабве Венесуэланы АКШ менен күчөп бараткан жаңжалда колдоп жатышат.
Норвегиянын ТИМи Нобель комитети өлкөнүн өкмөтүнөн көз карандысыз экенин баса белгиледи. Сыйлык комитетинин катчысы Кристиан Берг Харпвикен Reuters агенттигине элчиликтин жабылышы комитет үчүн көйгөй эмес экенин билдирди.
«Комитеттин алдында Нобель Тынчтык сыйлыгына татыктуу лауреатты тандоо милдети турган. Ал эми Мария Корина Мачадо, албетте, татыктуу жеңүүчү!», — деп кошумчалады ал.
Эскерте кетсек, 2025-жылы Нобель Тынчтык сыйлыгы Венесуэла парламентинин мурдагы депутаты Мария Корина Мачадого ыйгарылган. Сыйлык «Венесуэла элинин демократиялык укуктарын илгерилетүү боюнча тынымсыз эмгеги жана диктатурадан демократияга адилеттүү жана тынчтык жолу менен өтүү үчүн күрөшү» үчүн ыйгарылды.
«Гавайи» эс алуу жайында катталган окуядан кийин 22 адам кармалган. Бул тууралуу Чүй облусунун милициясы …
Депутат Эрулан Көкүлов бүгүнкү жыйын учурунда ортоңку трибунага сөз алып өлкөдө «журналисттердин мафиясы” бар экенин …
Бишкекте мугалим менен окуучунун ортосунда жаңжал чыккан. Бул тууралуу Биринчи май райондук милициясынан билдиришти. Маалыматка …
Акыркы күндөрү коомчулукта кызуу талкуу жараткан «Куликовский» окуясы кадимки эле кардар менен кызматкердин ортосундагы түшүнбөстүк …
Парламент жыйынында депутат Бактияр Калпаев «Куликов» компаниясы менен блогердин ортосундагы кырдаал боюнча пикирин билдирип, мекеменин …
Социалдык тармактарда эки эркек кишинин ортосундагы жаңжалдын видеосу тараган. Уруш учурунда алардын бири тапанча алып …
