Орусияда мыйзамсыз соода кылган мигранттарды кармап, товарларын талкалашты

Екатеринбургда мигранттарды жана мыйзамсыз соода кылгандарды издөө максатында күч органдары жана «Орус коомчулугу» кыймылынын активисттери тарабынан рейд жүргүзүлдү. Тогуз сатуучу кармалгандан кийин жашылча-жемиштер кароосуз калып, андан өтүп бараткандар пайдаланып кетишкенин жергиликтүү басылмалар жазып чыкты.

«Орус коомчулугу» кыймылынын активисттери ары-бери өткөндөргө жашылча-жемиштерди бөлүп алууга уруксат беришкен.

«Жөн эле алууга батынбайт элек, алар сатуучу качып кетти, ал армияга баргысы келбейт», — дегени үчүн алып жатышканын пенсионерлер айтып беришти. Жер-жемиштин акысын төлөйсүзбү деген суроого: «Жок, мыйзамсыз сатышат» деп жооп беришти.

Рейдге катышкан милиция процесске кийлигишкен эмес.

“Логард” укук коргоо тобунун жетекчиси Сергей Колосовский жолдон өтүп бараткандар менен милиция кызматкерлери мыйзамды бузуп жатканын билдирди.

«Милиция кызматкерлери кандай болгон күндө да убактылуу ээсиз калган мүлктү коргоону камсыз кылышы керек, бул биздин өлкөдөгү соттук практикага ылайык, милиция кызматкерлеринин негизги милдети. Табылган нерсени алып алган уурулук болот. Мисалы, адам телефонун таап, сим-картаны ыргытып жиберет, андан кийин ал кармалып, Россия Федерациясынын Кылмыш-жаза кодексинин 158-беренесинин «Уурдоо» боюнча жоопко тартылат . Бул жерде полициянын шалаакылыгынан тоноочулукка жол берилди», — деди адвокат.

ИИМдин Екатеринбург боюнча басма сөз тобу рейд мыйзамсыз мигранттарды, мыйзамсыз миграция фактыларын жана башка мыйзам бузууларды издөөгө багытталганын билдирди. Ошол эле маалда милиция кызматкерлердин көзүнчө уурулук фактылары тууралуу маалыматты четке кагууда.

«Милиция кызматкерлеринин катышуусунда башка бирөөнүн мүлкүн уурдоо фактылары тууралуу маалымат чындыкка дал келбейт», — деп айтылат маалыматта.