Ошто баңги бизнесине шектелген аскер кызматкери кармалды, деп билдирди бүгүн, 29-январда Баңгизат менен каршы күрөшкөн кызматтын басма сөз кызматы.
Маалыматка ылайык, 27-январь күнү Ош шаарында өсүмдүк тобундагы баңгизатты сатып жаткан учурда 1991-жылы туулган А уулу Н аттуу жаран кармалган. Андан алынган зат гашиш экени, салмагы 7 граммга жете турганы такталган.
Шектүү ошондой эле баңгизаттарды Ош жана Чүйдүн аймагына жайылтууга аралашып турган. Бул кылмышка катышкан башка адамдарды тактоо иштери улантылып жатат.