Ош шаарында суу түтүгүн өткөрүү үчүн казылган чуңкурда иштеп жаткан 4 жаранды топурак басып калды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 10-июлда Биринчи Май көчөсүндө таза суу түтүгүн өткөрүү үчүн казылган чуңкурда иштеп жаткан 4 жаранды топурак басып калган.
«Куткаруучулар 3 адамды куткарышкан, 1 адам каза болгон (аты-жөндөрү такталууда). 3 жаран тез жардам кызматына өткөрүлүп берилген, абалдары туруктуу»,-деп айтылат маалыматта.
Ал эми каза болгон жарандын жансыз денеси ИИМ кызматына өткөрүлүп берилген.