Бишкек. 22.10.2018. Govori.TV
Ошто көк бөрү боюнча Кыргызстандын чемпионаты өтөт. Бул туурасында Көк бөрү федерациясынын президенти Жыргалбек Саматов Говори.ТВ агенттигине кабарлады.
Анын айтымында Кыргызстандын биринчилиги көп жылдан бери уюштурулбай калган. Биринчиликке Баткен, Жалал-Абад, Нарын, Ош, Талас, Чүй, Ысык-Көл облустары жана Бишкек, Ош шаарларынан түзүлгөн 9 команда катышып, күч сынашат.
Оюн Ош шаарынын «Төлөйкөн» ат майданында 29-октябрда башталып 3-ноябрда аяктайт. Байге фондусу — эки миллион сомду түзөт. Баш байге ээсине 500 миң сом ыйгарылат.