Бишкек.03.06.2019.Govori.TV.
Ош шаарында Озгур айылына бара жаткан жолдо эки унаа сүзүшүп, бир адам каза болду. Бул тууралуу Ош ШИИБинин басма сөз кызматы билдирди.
Маалым болгондой, жол кырсыгы 1-июнь күнү болжол менен саат 16:30 чамасында катталган. Анда Матиз унаасы менен шаардан Озгур айылына бара жаткандар Мерседес-Спринтер маршруттук такси менен кагышкан. Мындан улам эки унаадан 4 адам жабыркап, ооруканага жеткирилгендердин ичинен 32 жаштагы «Ынтымак» телеканалынын кызматкери көз жумган.
Учурда унаа айып короосуна токтотулуп, тергөө иштери башталганын Ош ШИИБинен билдиришкен.
Белгилей кетсек, каза болгон аялдын артында 5 баласы калды.