• Шейшемби 30 Жетинин айы 2021

Оштун аймагында арзан баада көмүр сатылууда (даректери)

24 ноября 2021 в 16:30 Бишкек Govori.TV

Бүгүн, 24-ноябрдан тарта Ош шаарынын аймагында арзан баада Өзгөн жана Алай райондорунун көмүрү сатыла баштады. Бул тууралуу Ош шаардык мэриясынын басма сөз кызматынан кабарлашты.

Маалыматка ылайык, калаа башчысы Алмаз Мамбетов көмүр сатуу пункттарын кыдырып чыкты.

Ош шаарынын мэриясы тарабынан жергиликтүү жашоочуларды арзандатылган көмүр менен камсыздоо максатында эки компания менен жалпы 700 тоннага келишим түзүлгөн. Бүгүн 112 тоннасы алып келинип, аны ташып келүү үчүн 5 техника бөлүнгөн.

Учурда муниципалдык аймактык башкармалыктардын аймагында 7 жайга көмүр сатуу жайлары уюштурулду. Өзгөндүн көмүрү тоннасы 3 миң сомдон, Алайдын көмүрү 4 миң сом деп бекитилди. Базар наркынан төмөн баадагы көмүрдү бир үй-бүлө бир тоннага чейин сатып алса болот.

Төмөнкү даректер аркылуу көмүрдү арзан баада сатып алууга болот:

  1. Туран аймактык башкармалыгы, Дача участкасы, Нагорная көчөсү,1;
  2. Сулайман-Тоо аймактык башкармалыгы, Курманжан-Датка көчөсү, “Ош-Ойл” май куйуучу бекетинин маңдайы;
  3. Керме-Тоо аймактык башкармалыгы, Черемушка кичи району, Муминов көчөсү, Араван тракт, 218-квартал;
  4. Манас-Ата аймактык башкармалыгы, Жаштар көчөсү, 49;
  5. Амир-Темир аймактык башкармалыгы, Целинная көчөсү, милиция бөлүмчөсүнүн жаны;
  6. Курманжан-Датка аймактык башкармалыгы, Ташкент көчөсү, 56;
  7. Жапалак аймактык башкармалыгы, Керме-Тоо айылы, Каримов көчөсү.
Количество просмотров: 433