Бүгүн, 16-февралда Жогорку Кеңештин жыйынында депутат Тазабек Икрамов окуучуларга улуттук форма кийгизүүнү сунуштады.
«Бул маселени VI чакырылышта да көтөргөм, окуучулардын патриот болуп калыптануусу үчүн 1-класстан баштап комуз сабагын киргизүү, «Манас» идеологиясын терең жайылтуу маанилүү. Башталгыч класска бир түстөгү калпак, негизги класска башка түстөгү калпак, жогорку класска дагы бөлөк түстөгү калпак кийгизүү керек. Ата-бабадан келаткан салттуу кийимдерди мектепке киргизүүнү карап берсеңиз»,-деди Икрамов.
Белгилей кетсек, бүгүн Жогорку Кеңеште Билим берүү жана илим министри кызматына Алмазбек Бейшеналиевдин талапкерлиги каралып жатат.