УКМКнын басма сөз кызматы тараткан маалыматка ылайык, 2022-жылдын 18-февралында УКМК тарабынан саламаттыкты сактоо системасындагы коррупциялык схемаларды аныктоо жана бөгөт коюу боюнча жүргүзүлүп жаткан ыкчам-издөө иш-чараларынын натыйжасында, КР Кылмыш-жаза кодексинин 379-беренесинин 1-бөлүмү (документтерди жасалмалоо) боюнча кылмыштардын жана жоруктардын бирдиктүү реестринде катталган материалдардын алкагында, Жалал-Абад шаарындагы “Medicana Plus” диагностикалык лабораториясынын QR-коддору менен ПЦР-изилдөөнүн терс натыйжасы жөнүндө жасалма электрондук сертификаттарды даярдоо жана таратуу үчүн туруктуу канал түзүп алышкандыгы аныкталды.
«Аталган лабораториянын өкүлдөрү авиякассада иштеген кызмат адамдар менен алдын ала сүйлөшүп алып, Кыргыз Республикасынын чегинен тышкары жүргөн жарандарга жасалма ПЦР-анализдерин сатып жүрүшкөн, ПЦР-тесттинин бланкасы 1100 сомдон 1600 сомго чейин болгондугу такталды.
Ковид-19 үчүн ПЦР тесттерине муктаж болгондор, ПЦР-тесттеринен өтпөстөн, “Medicana Plus” лабораториясынын башкы кеңсесинин кызматкери А.М. аттуу жаранга “Whats app” мессенджери аркылуу жарандардын паспортторунун көчүрмөлөрүн берип тургандыгы аныкталды.
Ушундай эле схема Базар-Коргон районунун Базар-Коргон шаарында да аныкталган, аталган лабораториянын жергиликтүү филиалынын медайымы З.С. ПЦР-тесттерин жүргүзүп, “Finca Elsom” төлөм системасынын терминалдары аркылуу “Medicana Plus” компаниясынын башкы кеңсесине акча каражаттарын которгон», — деп айтылат маалыматта.
Учурда бул коррупциялык схеманын бардык жагдайларын жана башка дагы катышкан адамдарды аныктоого багытталган тергөө-ыкчам иш-чаралары уланууда.
«Беш-Сары» ЖЧКсынын директору, Бишкек шаардык кеңешинин депутаты Наргиза Жолдошбаева кармалды. Бул тууралуу УКМКнын басма сөз …
Битумду жогорулатылган баада сатып алуу фактысы боюнча «БАС» муниципалдык ишканасынын кызмат адамы жана жеткирүүчү фирманын …
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бүгүн, 26-апрелде «Бүтүн Кыргызстан» фракциясынын лидери, депутат Адахан Мадумаров камактан чыкты. 26-мартта Бишкектин Биринчи Май …
Бишкек шаарындагы 996,18 чарчы метр аянттагы, суммасы 127 млн сомду түзгөн 12 даана кыймылсыз мүлк …
Чолпон-Ата шаарындагы «Жетиген» базарынын — «Курорторг Жетиген» ААКсынын акционери жана ошол эле учурда директору болуп …
