Министрлер кабинетинин төрагасынын орун басары Эдил Байсалов 24.kg агенттигине Социалдык фонддун аялдардын пенсия курагын көтөрүү тууралуу сунушу боюнча комментарий берди.
Анын айтымында, бүгүнкү күндө пенсиялык системада чечүүнү талап кылган бир катар көйгөйлөр бар. Ал эми парламенттик угууда бардык мүмкүн болгон варианттар айтылып, эмне кылышыбыз керектигин коомчулук да, өлкө жетекчилиги да чечсин деген максатта болду.
«Азыркы 58 жаштагы аял менен 20 жыл мурункулар экөө эки башка. Президенттик администрация өткөн аптада иштеген пенсионерлердин баарын жумуштан бошотту. Алардын жашын билгенде таң калдым. Алар 30 жаштагыдай көрүнүшчү», — деген ал.
Ал кошумчалагандай, жашоонун узактыгы, эмгекке жөндөмдүүлүгү, жашоо образы өсүп жатат.
«50 жыл мурункуга карай турган болсок 50 жаштагы аял кемпир делген. А Пушкин, Лермонтовдо 40 жаштагы аял эле кемпир деп эсептелген. Ал эми бүгүнкү күндө 60 жаштагы аял жаш көрүнөт», — деди Байсалов.
Эске салсак, бир күн мурун Жогорку Кеңеште пенсиялык системаны реформалоо жана 2023-2026-жылдарга милдеттүү медициналык камсыздандырууну өнүктүрүү концепциясынын долбоору боюнча парламенттик угуу өткөн. Башкармалыктын жетекчисинин орун басары Гүлнура Жуматаева Социалдык фонд жашты көтөрүүнү сунуштабай турганын, бирок аялдар менен эркектердин пенсияга чыгуу курагын теңдештирүүгө болоорун белгиледи.
Кыргыз Республикасынын Министрлер Кабинетинин Төрагасынын орун басары Эдил Байсалов Кыргыз Республикасынын Тышкы иштер министрлигинин түзүлгөндүгүнүн …
«Чет элдик өкүл» жөнүндөгү мыйзам жарандык коомдун ишмердүүлүгүнө эч кандай коркунуч туудурбайт. Бул тууралуу Министрлер …
Министрлер кабинетинин төрагасынын орун басары Эдил Байсалов Түрк маданияты жана мурасы фондунун жаңы президенти Актоты …
Министрлер кабинетин төрагасынын орун басары Эдил Байсалов алдыда өтчү чемпионаттарда жаңы желек көтөрүлө турганын Твиттердеги …
Министрлер кабинетинин төрагасынын орун басары Эдил Байсалов Бириккен улуттар уюмунун Өнүктүрүү программасынын жаңы дайындалган туруктуу …
Бүгүн, 13-сентябрда ЖКнын жалпы жыйынында Министрлер кабинетинин төрагасынын орун басары Эдил Байсалов депутаттардан кечирим сурап, …
