Бишкекте коомдук транспорттун жол киресин жогорулатуу маселеси каралып жатат. Бул тууралуу Govori.TVга Бишкек мэриясына караштуу Транспорт жана жол транспорт инфратүзүмүн өнүктүрүү департаментинин директору Максат Нусувалиев билдирди.
Анын айтымында, бүгүнкү күндө шаардык кеңешке тарифтерди көтөрүү сунушу даярдалып жатат.
«Негизинен тарифти көтөрүү маселеси каралып жатат. Бирок шаардык кеңеш быйыл кабыл алабы же эмдиги жылыбы азырынча белгисиз. Биз ченемдик-укуктук актысын иштеп чыккандан кийин Экономика министрлигине жөнөтөбүз. Долбоордун регулятивдик таасиринин талдоосу өткөрүлгөндөн кийин шаардык кеңешке сунуш берилет. Кийин коомдук талкуудан өтөт. Ошондон кийин гана жалпы жыйынга алынып чыгат. Азырынча жол кире акысы качан кымбаттайт белгисиз. Бирок тариф көтөрүлүшү керектиги анык. Анткени чыгымдар эки эсе өсүп кетти, күйүүчү май жана автотетиктер кымбаттады»,-деди Нусувалиев.
Экономикалык эсеп жүргүнчү ташыган тараптарга төмөнкү баа ылайыктуу деп көрсөтүлгөн:
троллейбус — 15 сом;
автобус (менчик же муниципалдык экенине карабастан) — 15 сом;
маршрутка саат 6:00 — 20:30 аралыгында — 21 сом;
маршрутка саат 20:30 — 6:00 аралыгында — 32 сом;
Нусувалиев айтылган бул сандар эсептелип чыккан вариант экендигин жана чечимди Бишкек шаардык кеңеши кабыл аларын кошумчалады.
Мындай жагдайга эл өкүлдөрү Дастан Бекешов, Марлен Маматалиев жана Шарапаткан Мажитова пикирин билдирип, жол кирени көтөрүүгө каршы экенин билдиришти.
Бишкек шаарынын мэриясы коомдук транспорттогу жол кире тарифтери боюнча кырдаалды түшүндүрдү. Муниципалитеттен билдиришкендей, 23-апрелде Жогорку …
Бүгүн, 30-январдан тарта Бишкек шаарындагы коомдук унааларга жол кире жогорулайт. Мындан ары автобус-троллейбустарга жол кире …
Бишкекте 2024-жылдын 30-январынан тарта коомдук транспортто жол кире акысы көтөрүлөт. Бул тууралуу Бишкек шаардык кеңешинин …
Бишкекте коомдук транспортто жол кире акысын көтөрүүнүн мөөнөтү узартылды. Бул тууралуу муниципалитеттен билдиришти. Мэриядан түшүндүрүшкөндөй, …
Бишкекте 2024-жылдын 15-январынан тарта коомдук транспортто жол кире акысы көтөрүлөт. Тиешелүү токтом долбоору бүгүн Бишкек …
Жаңы жыл алдында автобекеттердеги айдоочуларга жол кирени өз алдынча көтөрүүгө жол берилбейт. Бул тууралуу Жол …
