УКМКнын кызматкерлери тарабынан уюшкан кылмыштуу топтун мүчөлөрү кармалды. Бул тууралуу аталган мекеменин басма сөз кызматы кабарлады.
Маалыматка ылайык, «Положенец» жана «Смотрящий» деп таанылган 1988-жылы туулган Э.Т. менен Э.К. кечээ, 25-ноябрда колго түшүрүлгөн.
«Алар ушул жылы сентябрь айында жеке ишкерге Бишкектеги соода жайын өткөрүп берүү үчүн күч колдонушкан. Тиешелүү берене менен тергөө башталып, бул кылмышка тиешелүү башка адамдарды табуу аракеттери уланып жатат», — деп айтылат маалыматта.