Польшанын чек арачылары поляк-беларус чек арасындагы тосмону бузуп, Европа биримдигинин аймагына кирүүгө аракет кылган мигранттарды көздөн жаш агызчу газ жана суу менен аткылап таратышты.
Маалыматка караганда, чек арадагы кагылышуу 16-ноябрь күнү түшкү саат 12лерде «Брузги» өткөрмө бекетине жакын жердеги мигранттардын лагеринде болгон. Алгач мигранттардын тобу Польшанын чек арачыларына таштарды ыргытышкан. Жооп катары аларга каршы көздөн жаш агызчу газ колдонулуп, суу менен аткылашкан.
Польшанын Коргоо министрлиги кабарлагандай, мигранттар поляк чек арачыларына кулак тундуруучу гранаталарды да ыргыткан. Мындан тышкары алардын айрымдары противогаз кийип жүргөнү да байкалган. Буларды мигранттарга беларус чек арачылары берген болушу мүмкүн деп болжолдонууда.
Өткөн жумада «Брузги» өткөрмө бекетине эки миңдей мигрант келип топтолгон. Негизинен Ирактан келген күрддөрдү түзгөн топ постту курчоого алып, Евробиримдиктин аймагына өткөрүү талабын коюшкан. Польша чек арага аскерлерин жана ыктыярчы түзүмдөрдү тартып келип, мигранттарды өткөрбөй турат. Айрым мигранттар чек араны бузуп өтүүгө үлгүрүшкөн, бирок аларды аскерлер дароо кармашкан. Жакынкы Чыгыштан ташылып келинген мигранттар Беларустун аймагы аркылуу чек араны бузуп кирүүгө аракет кылып жатышат. ЕБ буга өбөлгө түздү деп беларус бийлигин айыптоодо. Расмий Минск мындай айыптоолорду четке кагып келет.
Иркутск шаарындагы калайман мушташка катышкан кыргызстандык жана тажикстандык мигранттар Курман айт майрамынын алдында элдешти. Бул …
5-июнда Москва облусунун Сергиев Посад шаарында тажик мигранттары жашаган төрт вагон күйүп кетти. Вагондо жашагандар …
Орусияда тажик мигранттары жапырт кармалган видео социалдык тармактарга жарыяланды. Маалыматка караганда, полиция кызматы бир учурда …
Италиянын бийлиги мыйзамсыз мигранттардын агымы болуп көрбөгөндөй көбөйгөнүнө байланыштуу өзгөчө абал режимин жарыялады. Маалыматка караганда, …
Москвада миңдеген мигрант, анын ичинде Өзбекстан менен Тажикстандын жарандары өздөрү иштеген «Крокус Групп» курулуш компаниясына …
Ушул жылдын 25-26-ноябрында өткөн элдик курултайда чет жактан келген мигранттар өз оюн айтууга кенен мүмкүнчүлүк …
