12-июнда президент Садыр Жапаров Кыргызстандагы туристтик сезонго арналган билдирүүсүн жарыялады. Мамлекет башчынын Ысык-Көлдүн үстүнөн учуп бараткандагы сүрөтү Ага Хан фондуна таандык жеке тик учакта тартылган.
Бул тууралуу иликтөөчү журналист Болот Темиров тик учактын үлгүсүн Agusta-Bell AB139 соцтармакка көрсөткөн.
«Жеке компаниянын учагын мамлекеттин биринчи адамынын колдонуусу канчалык туура?»,-деген суроого мамлекет башчынын маалымат кызматы мындайча жооп берди.
«Жогорку жетекчилик аймактык сапарларда иштин ыкчамдуулугун арттыруу максатында, айрыкча өлкөнүн алыскы аймактарына болгон сапарларда айрым учурда аба кемесин – Ага Хан Фондуна таандык тик учакты колдонот»,-деп айтылат маалыматта.
Кошумчалай кетсек, бул аба кемесин колдонуу боюнча мындай тажрыйба өлкөнүн мурдагы жетекчилери тарабынан да буга чейинки жылдары колдонулуп келген.