Жалал-Абад облусунун Ноокен районунун Ууру-Жар айылына тушташ жерде 12-июнда эки автоунаа кагышып, алты адам каза болду. Бул тууралуу Өзгөчө кырдаалдар министрлигинен билдиришти.
Маалыматка ылайык, «Мерседес-Бенц» жүк ташыгыч автоунаасы менен менен «Хонда-Одиссей» үлгүсүндөгү машине сүзүшкөн. Анда алты адам каза болуп, экөө жабыркаган.
Окуя болгон жерге ӨКМдин Ноокен районундагы №55 куткаруу тобунан төрт кызматкер тартылып, каза болгондорду жана жабыркагандарды автоунаадан чыгарышты. Каза болгондор Ички иштер министрлигинин кызматкерлерине, жабыркаган адамдар «Тез жардамга» өткөрүлүп берилди.