Вице-премьер-министр кызматынан бошогон Жеңиш Разаковдун ордуна Коопсуздук кеңешинин катчысынын орун басары Өмүрбек Суваналиевдин талапкерлиги каралууда. Бул тууралуу өздүк булактар билдирди.
Эске салсак, өкмөттүн коргоо, коопсуздук жана чегара маселелерин тескеген Жеңиш Разаков өз арызы менен бүгүн кызматтан кеткен болчу. Тиешелүү жарлыкка Жээнбеков кол койгон.
Ал эми айрым маалымат каражаттарында бош калган орунга өкмөттүн Баткен облусундагы өкүлү Акрам Мадумаровдун да талапкерлиги каралып жатат деген кептер жазылууда.