Red Petroleum май куюучу жайлар тармагынын башкы директору Акылбек Маматов кармалды. Бул тууралуу Kaktus.media өздүк булактарына таянып жазды.
Маалыматка ылайык, кечээ, 13-апрелде Аскер прокуратурасынын кызматкерлери Red Petroleum компаниясынын жетекчиси Акылбек Маматовду кармашкан.
Белгилей кетүүчү нерсе, Акылбек Маматовдун үй-бүлөсү Улуттук коопсуздук боюнча мамлекеттик комитеттин (УКМК) мурдагы башчысы Камчыбек Ташиевдин үй-бүлөсү менен байланышта. Маматовдун атасы Ташиев менен бирге Кыргыз футбол союзунун башкармалыгында иштейт.