Казакстандагы Январь окуяларында кыргызстандык музыкант Викрам Рузахуновдун саламаттыгына оор залал келтирилгени аныкталды. Бул тууралуу Бишкектин Ленин райондук ички иштер бөлүмү жүргүзгөн тергөөдө жана соттук-медициналык экспертизада аныкталганын Рузахунов өзү Фейсбук баракчасына жазды.
Маалым болгондой, Бишкек шаарынын Ленин райондук милициясы музыкант Викрам Рузахуновдун кыйноого кабылышы боюнча ишти тергеп бүттү.
«Экспертизада менин ден соолугума оор залака келтирилгени аныкталган. Топтолгон материалдар күнөөлүү тараптарды аныктап жана кылмыш жоопкерчилигине тартуу үчүн Кыргызстандын Башкы прокуратурасы тарабынан Казакстандын компетенттүү органдарына жиберилет», — деди Рузахунов.
Эске салсак, Казакстандын Qazaqstan мамлекеттик телеканалы 9-январда митингдерге катышуу үчүн Кыргызстандан барды делген жарандын сурак берип жаткан видеосун жарыялаган. Ал белгисиз адамдар митингдерге катышуу үчүн 90 миң теңге сунуштап чакырып, самолётко билетин алып берип батирге жайгаштырганын билдирген.
Көп өтпөй Кыргызстандын ИИМи аталган жаран музыкант Викрам Рузахунов экенин аныктап, анын Алматыга концерт койгону барганын маалымдаган. Эки күндөн кийин кыргыз бийлигинин кийлигишүүсүнөн соң Бишкекке жеткирилген. Кийин ал ооруканада операция болгон. Рузахунов казак күч кызматкерлеринин кыйноосуна кабылганын айтып чыккан жана кабыргалары сынып, бир кабыргасы өпкөсүнө кирип кеткенин, мээси чайкалганын билдирген.
Астананын Алматы райондук соту кыргызстандык музыкант Викрам Рузахуновдун ар-намысын, кадыр-баркын жана ишкердик беделин коргоо боюнча …
Казакстандагы башаламандык учурунда кармалган Викрам Рузахунов жана Чолпонбек Сыдыковдун кыйноого кабылышы боюнча кылмыш иш козголду. …
Казакстанда болгон башаламандык учурунда кармалган кыргызстандык музыкант Викрам Рузахунов ыраазычылык постун жарыялады. Социалдык тармактагы баракчасына …
9-январда «Qazaqstan» телеканалы бети-башы көгөрүп, токмоктолгон Викрам Рузахуновдун видеосун көрсөткөн. Анда кыргызстандык пианист аны “белгисиз …
Казакстанда кармалган кыргызстандык музыкант Викрам Рузахунов бошотулду. Бул тууралуу УКМКнын маалымат кызматы тастыктады. Маалыматка ылайык, …
КР Юстиция министрлиги Башкы прокуратурасына Викрам Рузахуновго карата кыйноолорду колдонуу фактысы боюнча (КР Кылмыш-жаза кодексинин …
