КСДП пратиясынын саясий кеңеши төраганын жаңы орун басарларын шайлады. Төраганын орун басарлары болуп Жогорку Кеңештин депутаттары Асел Кодуранова, Мурадыл Мадеминов жана Сапар Исаков шайланышты, ал эми жыйынды экс-президент, партиянын төрагасы Алмазбек Атамбаев башкарды.
Белгилей кетсек, төраганын мурдагы орун басары Фарид Ниязов партиядагы кызматынан кетип, жаңы ачылган «Апрель» фондуна жетекчиси болгон. Бирок, ал саясий кеңеште кала берери айтылган.
Эске сала кетсек, КСДП партиясынын 31-марттагы курултайында экс-президент Алмазбек Атамбаев төрага болуп шайланган. Ага чейин партияны Ниязов төраганын орун басары катары башкарган.
