• Бейшемби 25 Теке 2024
  • Четверг 25 Июль 2024

«Секирип, кыйкырып». Ташиевдин беттештен кийинки эмоциясы

12 Кулжа 2024 10:29 Бишкек Govori.TV

Кыргызстандын футбол боюнча улуттук курама командасы Омандын футболчулары менен 1:1 эсебинде тең чыкты. Оюндун жыйынтыгында Кыргызстандын курамасы 2026-жылы өтө турган дүйнө чемпионатынын тандап алуу оюндарынын 3-туруна өтүп, 2027-жылы боло турган Азия кубогуна жолдомо алды.

Беттештен соң Кыргыз футбол бирикмесинин төрагасы Камчыбек Ташиев оюнчуларды кийинүүчү бөлмөгө барып куттуктады.

2026-жылы өтө турган дүйнө чемпионатынын тандоо оюндарында Кыргызстан D тайпасына Кытай Тайбэйи, Малайзия жана Оман курамалары менен жайгашкан.

Тайпада 13 упай топтогон Оман биринчи, 11 упай менен Кыргызстан экинчи орун менен дүйнө чемпионатынын тандап алуу оюндарынын 3-туруна өттү. Малайзияда 10 упай бар. Кытай Тайбэйи бир да упай алган жок.

Дүйнө чемпионатынын 3-туруна жана 2027-жылы боло турган Азия кубогуна тайпадан биринчи жана экинчи орунду алган курамалар чыгат.

Количество просмотров: 559