28-ноябрда өтө турган парламенттик шайлоого катышууну каалаган партиялардын саны 15ке жетти. Бул тууралуу Борбордук шайлоо комиссиясынан билдиришти.
Ага ылайык, «Актив», «Бийлик элге», «Акыйкат Кыргызстан», «Ар-Намыс» жана «Кыргызстандын саясий күчтөрүнүн альянсы» партияларынан шайлоого катышуу тууралуу билдирүү түштү.
Буга чейин БШКга «Кыргызстандын жашылдар партиясы», «Социал -демократтар», «Улуттар биримдиги», «Ишеним», «Альянс», «Жаратман эл», «Кыргызстанды бириктирүүчү патриоттук партия», «Ата Мекен», «Ыйман Нуру», «Эл үмүтү социалдык саясий партиясы» шайлоого катышарын билдирген.
Эскерте кетсек, 28-ноябрда өтө турган парламенттик шайлоо жаңы Конституция жана шайлоо мыйзамына ылайык өткөрүлөт. Жаңы келе турган парламентте 90 депутат болот. Алардын 54ү партиялык тизме жана 36сы бир мандаттуу округ аркылуу шайланат.