Ачкачылык акциясы Борбордук шайлоо комиссиясынын алдында, атайын тигилген чатырда башталат. Бул тууралуу 13-апрелде «Кыргызстан коммунисттери» партиясынын төрагасынын орун басары Рысбек Тойбеков БШКнын алдында өтүп жаткан митингде билдирди:
«14-апрелден тартып биздин партиянын өкүлдөрү бул жерге чатыр тигип, ачкачылык жарыялайбыз. Акциябыз үч күн болот. Бизди угушпайт экен, ошондуктан, ушундай жолдорго барууга аргасызбыз».
Тойбеков акцияга кошулууну башка партияларга да сунуштады.
11-апрелде Кыргызстанда жергиликтүү кеңештердин депутаттарын шайлоо жана Баш мыйзамдын жаңы долбоору боюнча референдум өттү. Ага жалпы тизмедеги шайлоочулардын 37% катышканын Боршайком кабарлаган. Анын ичинен 79% Конституциянын жаңы редакциясын колдоп добуш беришкен.
Жергиликтүү кеңештердин депутаттарын шайлоо жыйынтыгына нааразы болгон он чакты партия добуш берүүнүн баштапкы жыйынтыгы чыккан күндөн бери БШК имаратынын алдына митинг өткөрүп келишет.
12-апрелде Ош шаардык кеңешине шайлоого катышкан алты партия шайлоонун жүрүшүнө жана жыйынтыгына нааразы болуп, президентке кайрылуу жолдогон. “Улуттар биримдиги”, “Ишеним”, “Улуу Журт”, “Республика”, “Бир Бол” жана “Бүтүн Кыргызстан” саясий партиялары «шайлоо ыплас өттү» деп эсептешет.
Алар Ош шаардык мэриясы мыйзам бузууга барды деп мэр Таалайбек Сарыбашевдин жоопкерчилигин карап чыгууну талап кылышууда.
Ушундай эле нааразылыгын Таластагы шайлоодо маарага жетпей калган “Айкөл”, “Ата-Журт Кыргызстан” “Улуу Журт” жана “Социал-демократ” саясий партиялары билдиришти. Алар добуш берүүнүн жыйынтыгын жокко чыгарууну талап кылышууда.
«Алматы аэропортун басып алуу» иши боюнча 4 жылга соттолгон активист Айгерим Тлеужанова Алматы облусунун Жаугашты …
28-мартта Ош, Кара-Суу жана Баткен бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда …
Борбордук шайлоо комиссиясына №2 Баткен жана №9 Кара-Суу бир мандаттуу шайлоо округдары боюнча Жогорку Кеңештин …
Бишкек шаарынын административдик соту 28-февралда бир мандаттуу №21 Талас шайлоо округундагы Жогорку Кеңештин депутаттыгына шайлоонун …
ЖКнын “Ата Журт-Кыргызстан” фракциясынын депутаты Абдыбахаб Боронбаев мандатын тапшыруу үчүн Борбордук шайлоо комиссиясына арыз жазды. …
Садыр Жапаров кийинки президенттик шайлоого катышат. Бул тууралуу «Кабар» агенттигине президенттин маалымат катчысы Аскат Алагөзов …
