БИШКЕКТЕ ЧЕК АРА БОЮНЧА МИТИНГ ӨТТҮ
Бүгүн Бишкекте кыргыз-тажик чек арасындагы жанжалга байланыштуу митинг өтүп жатат. Акцияга Баткен облусунун тургундары жана жарандык активисттер катышууда.
Баткендиктер бийликтен Көк-Таш айлынын кармалган тургундарын бошотууну, жергиликтүү тургундарга басым көрсөтпөөнү талап кылышууда.
«Облус башчысына эч нерсе чече албаган кишини дайындап коюшту. Бизге Тажикстандын бийлиги менен тең ата сүйлөшө алган күчтүү жетекчи керек. Биздин айрым аткаминерлер коңшулардын кызыкчылыгы үчүн иштеп жаткандай сезилет», — дейт митингдин катышуучусу.
Нааразычылык акциясында өкмөттүн Баткен облусундагы ыйгарым укуктуу өкүлү Акрам Мадумаров менен вице-премьер-министр Жеңиш Разаковду кызматтан кетирүү талаптары айтылды.
«Жеңиш Разаковго ишеним жок. Ал отставкага кетиши керек», — дешет нааразы тарап.
АБАКТА МУРУНКУ МИЛИЦИОНЕР АСЫНЫП АЛДЫ
Жалал-Абад шаарынын убактылуу кармоочу жайынан соттолгон кишинин сөөгү табылды. Бул тууралуу ОИИББдан билдиришти.
Маалыматка караганда, сөөктү 14-январда камералардын биринен табышкан.
«Экспертизанын жыйынтыгында 42 жаштагы кишинин денесинен эч кандай кыйноонун издери табылган жок. Анын мойнунан жип табылды. Факт Кылмыштардын жана жоруктардын бирдиктүү реестрине катталды. Каза болгон жаран мурда милиция болуп иштеген, аны терс мотивдер боюнча кызматтан кетиришкени маалым болду. Ага карата «Документтерди жасоо», «Куралдарды мыйзамсыз сактоо», «Каракчылык», «Баңгизатын мыйзамсыз сактоо жана таратуу» беренелери боюнча кылмыш иши козголгон. Биринчи инстанциянын соту аны 7 жылга эркинен ажыратып, мүлкүн конфискациялаган. Учурда Жалал-Абад облустук соту ишти карап жатат», — деп билдиришти ОИИББдан.
СУРГУТТА КЫРГЫЗСТАНДЫК 20 ЖЫЛГА КЕСИЛИШИ МҮМКҮН
Кыргызстандык жаран Сургутта баңгизатын сатууга аракет кылгандыгы үчүн 20 жылга кесилиши мүмкүн. Бул тууралуу Орусиялык ЖМК жазды.
Маалыматка караганда, 28 жаштагы кыргызстандык 2019-жылдын ноябрында жашыруун жол менен синтетикалык баңгизатын алып, андан ары Сургутта сатып жиберүүнү көздөгөн. Полиция мыйзамсыз жүгүртүлгөн 200 граммга жакын баңгизатын таап чыгышты.
Шектүү камакка алынды. Ал 20 жылга эркинен ажыратылып, миллион рубль өлчөмүндө айып төлөшү мүмкүн.
Бүгүн, 18-апрелде айрым чек ара бекеттеринде өтүүгө убактылуу чектөө кирет. Бул тууралуу УКМКнын чек ара …
Бишкектин бир бөлүгүндө таза суу убактылуу өчүрүлөт. Бул тууралуу мэриядан кабарлашты. Маадыматка ылайык, Жал кичи …
Бишкекте бүгүн, 16-апрелден тарта №23 жаңы автобустук каттам ишке кирет. Муниципалитеттен билдиришкендей, жаңы автобус линиясынын …
Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти. Белгиленгендей, мамыларды таза …
Бишкек шаарын көрктөндүрүү жана жашылдандыруу боюнча жарыяланган эки айлыктын алкагында борбор калаанын бардык райондорунда массалык …
Бишкекте балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү. …
